SOND அமைப்பானது வெளிநாட்டு வேலை வாய்ப்பு பணியகத்தின் கொள்கைக்கு அமைவாக சுவிஸ் அபிவிருத்திக்கும் ஒத்துழைப்பிற்குமான நிறுவனத்தின் நிதி அனுசரணையுடன் பாதுகாப்பான புலம்பெயர் தொழிலாளர்களின் வாழ்க்கையினை மேம்படுத்துவது தொடர்பான செயற்திட்டமொன்றை செயற்படுத்தி வருகின்றது. இத்திட்டத்தின் முதற்கட்ட அறிமுகக்கூட்டமானது கடந்த 4ம் திகதி அரசாங்க அதிபர் தலமையில் யாழ் மாவட்ட செயலக கேட்போர் கூடத்தில் 15 பிரதேச செயலகர்களுடன் நடைபெற்றது.