இந் நிகழ்வில் பிரதம விருந்தினராக தெல்லிப்பளை பிரதேச செயலர் திரு. ச.சிவஸ்ரீ அவர்களும், சிறப்பு விருந்தினர்களாக தெல்லிப்பளை கோட்டக்கல்வி அலுவலர் திரு ம.ஆனந்தகுமார், வலிவடக்கு பிரதேசசபை தவிசாளர் திரு. சோ.சுகிர்தன் அவர்களும், கௌரவ விருந்தினர்களாக மாவிட்டபுரம் யா/வீமன்காமம் மகா வித்தியாலய அதிபர் திரு.S.இராமநாதன் அவர்களும் தெல்லிப்பளை பிரதேச செயலகம் சிறுவர் உரிமை மேம்பாட்டு அலுவலர் திரு.T.கிருஸ்ணகுமார் அவர்களும் கலந்து சிறப்பித்தனர்.
அத்துடன் இந் நிகழ்வை தெல்லிப்பளை பிரதேச சிறுவர் சபை தலைவர் செல்வி. இன்பராசா மதிஸ்ரா தலைமையேற்று நடாத்தினார். ஆதீன கர்த்தா குருக்களும், ஊறணி, பலாலி பங்குத்தந்தை அருட்பணி T.E.தேவராஜன் அவர்களும் ஆசியுரைகளை வழங்கினார்கள்.
நிகழ்வின் ஆரம்பத்தில் மாவிட்டபுரம் ஆலயத்தில் இருந்து விருந்தினர்களும், சிறுவர்களும் பான்ட் இசைக்குழுவுடன் வீமன்காமம் வித்தியாலத்திற்கு அழைத்துச் சென்று நிகழ்வு இனிதே ஆரம்பமானது. இதில் எமது திட்டப் பிரதேத்திலுள்ள 11 சிறுவர் கழக உறுப்பினர்கள் கலந்து கொண்டனர். அத்துடன் கிராமிய மட்ட அரச உத்தியோகத்தர்களும் கலந்து கொண்டனர்.
இந் நிகழ்வில் ஒவ்வொரு கழகங்களில் இருந்து தனி நடனம், குழு நடனம், பேச்சு, கவிதை, நாடகம் என பல நிகழ்வுகள் அரங்கேற்றப்பட்டதுடன் விருந்தினர் அனைவரும் தமது உரையின் மூலம் சிறுவர்களுக்கு புதிய தகவல்களையும், நற்சிந்தனைகளையும் வழங்கி அவர்களை வாழ்த்தி உரையாற்றினர்.
சிறுவர் தின விழா மதியம் 12.30 க்கு மதிய போசனத்துடன் இனிதே நிறைவுற்றது.