இலங்கையில் மனித வியாபாரத்திற்கு எதிரான முயற்சிகளை வலுப்படுத்தல் செயற்திட்டத்தின் பிரதேச மட்ட அறிமுகக் கூட்டம் – யாழ்ப்பாணம் பிரதேச செயலகம்
இலங்கையில் மனித வியாபாரத்திற்கு எதிரான முயற்சிகளை வலுப்படுத்தல் செயற்திட்டத்தின் மாவட்ட அறிமுகக் கூட்டமானது அண்மையில் யாழ்ப்பாணம் பிரதேச செயலக மாநாட்டு மண்டபத்தில் உதவிப் பிரதேச செயலர் திருமதி. சோபிகா றோய் றொபின்சன் அவர்களின் தலைமையில் நடைபெற்றது.
இவ் அறிமுகக்கூட்டத்தில் SOND நிறுவன நிறைவேற்றுப் பணிப்பாளர் திரு.ச.செந்துராசா, IOM நிறுவன திட்ட இணைப்பாளர் எஸ்.சுசீகரன், பிரதேச செயலக உத்தியோகத்தர்கள், கிராம சேவை உத்தியோகத்தர்கள் மற்றும் சொண்ட் நிறுவன பணியாளர்கள், கலந்துகொண்டனர்.
SOND நிறைவேற்றுப் பணிப்பாளர் திரு.ச.செந்துராசா அவர்கள் திட்டத்தின் அறிமுகம், மனித விற்பனை, மனித விற்பனை தொடர்பாக இலங்கையில் காணப்படுகின்ற நிலமைகள், அரசின் நடவடிக்கைகள், இத்திட்டத்துடன் தொடர்புடைய அமைச்சுக்கள், பாதிக்கப்பட்டவர்களை இனங்காணல் மற்றும் திட்டத்தினுடைய செயற்பாடுகள் தொடர்பாகவும் எடுத்துரைத்தார்.
