யாழ் மாவட்ட செயலகத்தில் UNICEF நிறுவன உதவியுடன் SOND நிறுவனத்தால் அமுலாக்கப்பட உள்ள  வளரிளம் பருவத்தினருக்கான மென் திறன்களை விருத்தி செய்யும் செயற் திட்டத்தின் அறிமுகக் கூட்டம்  நடைபெற்றபோது மாவட்ட அரச அதிபர் திரு.நா.வேதநாயகன் அவர்கள் உரையாற்றினார்,

தொடர்ந்து SOND நிறுவன பணிப்பாளர் திரு.ச.செந்துராசா அவர்கள்  உரையாற்றினார்.

இலங்கையில் மனித வியாபாரத்திற்கு எதிரான முயற்சிகளை வலுப்படுத்தல் செயற்திட்டத்தின் இரண்டாவது திட்ட மீளாய்வு கூட்டம்  யாழ் மாவட்ட செயலக மாநாட்டு மண்டபத்தில் நடைபெற்றது. இக் கூட்டத்தினை அரசாங்க அதிபர் திரு.நா.வேதநாயகன் அவர்கள் ஆரம்பித்து வைத்தார். தொடர்ந்து சொண்ட் நிறுவன நிறைவேற்றுப் பணிப்பாளர் திரு.ச.செந்துராசா அவர்கள் தலைமையில் கூட்டம் நடைபெற்றது.

இலங்கையில் மனித வியாபாரத்திற்கு எதிரான முயற்சிகளை வலுப்படுத்தல் செயற்திட்டத்தினூடாக சண்டிலிப்பாய் பிரதேச சமூக மட்ட அமைப்புக்களின் பிரதிநிதிகளுக்கான ஒரு நாள் பயிற்சி நெறியானது சண்டிலிப்பாய் பிரதேச செயலக மண்டபத்தில் நடைபெற்றது.
இப்பயிற்சியில் வளவாளர்களாக சொண்ட் நிறுவன நிறைவேற்றுப் பணிப்பாளர் திரு.ச.செந்துராசா அவர்களும் திருமதி.S.டினேசியா அவர்களும் கலந்துகொண்டனர்

SWOAD நிறுவன ஸ்தாபகர் திரு.ச.செந்துராசா அவர்கள் தலைமையில் அம்பாறை மாவட்ட தமிழ் பிரதேச செயலக பிரிவிலுள்ள இணக்கசபை உறுப்பினர்களுக்கான கலந்துரையாடலொன்று 30.11.2019 அன்று அக்கரைப்பற்று SWOAD மண்டபத்தில் நடைபெற்றது.

பெண்கள் மற்றும் ஊடக கட்டமைப்பு பிரதிநிதிகளும் SOND அமைப்பின் பணிப்பாளர் திரு.ச.செந்துராசா அவர்களும் இணைந்து மாவட்டத்தின் மனித விற்பனை தொடர்பான நிலை பற்றிய கலந்துரையாடலை யாழ்ப்பாண பிரதேச செயலக உத்தியோகத்தர்களுடன் நடாத்தினார்கள்.

IOM விசேட நிபுணத்துவ ஆலோசகர் திரு.ஜொனதன் மாற்ரன்ஸ் யாழ் மாவட்டத்தின் சில அரச சார்பற்ற நிறுவனப் பிரதிநிதிகளை சந்தித்து மனித விற்பனை (Human trafficking) நிலை பற்றி கலந்துரையாடினார்.
SOND நிறுவன பணிப்பாளர் திரு.ச.செந்துராசா அவர்களும் இதில் கலந்து கொண்டு மாவட்ட நிலைபற்றி எடுத்துரைத்தார்.

அம்பாறை மாவட்ட மத நல்லிணக்க குழுவின் எதிர்காலத் திட்டமிடல் பயிற்சி அண்மையில் நடைபெற்றது.

இப் பயிற்சியில் SOND நிறுவனப் பணிப்பாளர் திரு.ச.செந்துராசா அவர்கள் கலந்துகொண்டு உரையாற்றினார்.

ரெரணா நிறுவனத்தினர் யாழ் மாவட்டத்தின் பல பாடசாலை சிறுவருக்கான கற்றல், விளையாட்டு உபகரணங்களை வழங்கினார்கள்.

இது தொடர்பான நிகழ்வு மாவட்ட செயலகத்தில் அரச அதிபர் திரு.நா.வேதநாயகன் அவர்கள் தலைமையில் 27.11.2019 நடைபெற்றது.
பின்னர் இவர்கள் SOND நிறுவனப் பணிப்பாளர் திரு.ச.செந்துராசா அவர்களை அவரது அலுவலகத்தில் சந்தித்து உரையாடினர்.

ஐக்கிய நாடுகள் தொண்டர் அமைப்பு (UNV)  பிரதிநிதிகள் எமது பணிப்பாளர் திரு.ச.செந்துராசா அவர்களை எமது அலுவலகத்தில் 26.11.2019 அன்று சந்தித்து எதிர்காலத் திட்டம் தொடர்பாகக் கலந்துரையாடினர்.
இளம் தொண்டர்களை அணிதிரட்டி சமூக சேவையில் ஈடுபடுத்தும் நடவடிக்கையில் எமது நிறுவனம் ஈடுபட்டுவருவது குறிப்பிடத்தக்கது.

தேசிய சமாதானப் பேரவையின் SCORE திட்டத்தின் கீழ் SOND நிறுவனத்தின் ஏற்பாட்டில் வலிவடக்குப் பிரதேச சபை உறுப்பினர்களுக்கான நல்லாட்சி, சட்டவாட்சி தொடர்பான பயற்சி  நடைபெற்றது.