UNICEF அமைப்பின் வதிவிட பிரதிநிதியும், நேபாள அலுவலக பிராந்திய பொறுப்பாளரும், கிளிநொச்சி UNICEF அலுவலக பணியாளர்களும் SOND நிறுவன களநிலை செயற்பாடுகளை பார்வையிடுவதற்காக சமூகம் தந்திருந்தனர். இதன் போது பலாலி கிழக்கில் VCDC குழுவினரையும், எமது களப்பணியாளர்களையும் சந்தித்ததோடு பளைவீமன்காமம் தெற்குப்பகுதியில் தாய்மார் கழக உறுப்பினர்களையும், சிறுவர்கழக உறுப்பினர்களையும் சந்தித்தனர். இச் சந்திப்பின்போது நேபாளம் சென்றிருந்த செல்வி இ.மதிஸ்ராவிற்கு சான்றிதழ் வழங்கினர்.

தெல்லிப்பளை மீள் குடியேற்ற பிரதேசமான மயிலிட்டி வடக்கிற்கு இலங்கைக்கான ஐ.நா வதிவிட பிரதிநிதி வருகை தந்து அரச அதிகாரிகள், அரச சார்பற்ற நிறுவன பிரதிநிதிகள், பொது மக்களுடன் மீய்குடியேற்றப் பணிகள் தொடர்பாக கலந்துரையாடியதுடன் ஐ.நா அமைப்பு இதற்கான உதவிகளை வழங்கத் தேவையான நடவடிக்கைகளை எடுக்குமெனத் தெரிவித்தார்.

ஐரோப்பிய ஒன்றியத்தின் இலங்கையில் சமாதானத்தைக் கட்டியெழுப்புவதற்கான ஊக்க உதவி எனும் செயற்திட்டத்தின் கீழ் யுனிசெவ் அமைப்பினால் சொண்ட் அமைப்பினூடாக செயற்படுத்தப்படும் மிதிவெடி அபாயக் கல்வி எனும் செயற்திட்டத்தின் கீழ் மிதிவெடி அபாயம், வீதி பாதுகாப்பு, சிறுவர் பாதுகாப்பு, சுகாதாரமும் போசாக்கும் எனும் கருப்பொருட்களை உள்ளடக்கி 40 நிமிடம் கொண்ட தெருநாடகம் ஒன்றை SOND நிறுவனத்தால் மீள்குடியேற்றப் பிரதேசத்தில் நடாத்தி வருகின்றோம்.

ஐரோப்பிய ஒன்றியத்தின் இலங்கையில் சமாதானத்தைக் கட்டியெழுப்புவதற்கான ஊக்க உதவி எனும் செயற்திட்டத்தின் கீழ் யுனிசெவ் அமைப்பினால் சொண்ட் அமைப்பினூடாக செயற்படுத்தப்படும் சிறுவர் பாதுகாப்பு எனும் செயற்திட்ட பிரிவின் கீழ் கிராமிய சிறுவர் அபிவிருத்திக் குழுக்கள் (VCDC) இயங்குவதற்கு தேவையான பொருட்கள் 10 கிராம சேவகர் பிரிவுகளுக்கு வழங்கப்பட்டது.

சொண்ட் நிறுவனத்தின் பாதுகாப்பான புலம்பெயர்வு தொடர்பான அரைஆண்டு மீளாய்வுக் கூட்டம் யாழ்ப்பாண மாவட்ட செயலகத்தில் அரச அதிபர் தலைமையில் நடைபெற்றபோது சொண்ட் நிறுவனபணிப்பாளர் திரு.ச.செந்துராசா அவர்கள் உரையாற்றுவதையும் மற்றும் யாழ் மாவட்ட அரச அதிபர் திரு.மா.வேதநாயகன் அவர்கள் உரையாற்றுவதையும்  கூட்டத்தில் கலந்துகொண்ட  அரச பணியாளர்களையும் சொணட் நிறுவன பணியாளர்களையும் காணலாம்.

Caritas SEDEC நிறுவனத்தின் ஏற்பாட்டில் சட்ட உதவியாளர்களை கௌரவிக்கும் நிகழ்வு Sri Lanka Foundation  Institute இல் நடைபெற்றது. இந்நிகழ்வில் SOND நிறுவனத்தினை பிரதிநிதித்துவப்படுத்தும்  வகையில் நினைவுப்பரிசில் மற்றும் சான்றிதழ்கள் வழங்கப்படுவதையும் காணலாம்.